2. Elə bir kvadrata deyilir ki, onun sətirləri, sütunları və diaqonalları üzrə yerləşən müxtəlif ədədlərin cəmi eyni olsun.
Avropada ilk belə kvadrat məşhur alman rəssamı Albrext Dürer'in "melanxoliya" adlı əsərində təsvir olunmuşdur. Həmin 4×4 ölçülü kvadrat hazırda "Dürer kvadratı" adlanır.
Avropada 16-cı əsrdə yaradılmağa başlasa da, sehrli kvadratlar dünya xalqlarına əsrlər öncədən məlum idi. Qədim Çində 1-dən 9-a qədər ədədlərin əmələ gətirdiyi 3×3 ölçülü sehrli kvadrat böyük əhəmiyyət kəsb edirdi və oradakı ədədlər ən əsas ünsürləri ifadə edirdi: 5 – torpaq (yer) və onun ətrafında od (2 və 7), su (1 və 6), ağac (3 və 8), metal (4 və 9).